Cпортын салбарт, төрийн байгууллага, спорт холбоод, клубт ажилладаг, багш дасгалжуулагч, мэргэжилтэн, эсвэл спорт, биеийн тамирын чиглэлээр суралцдаг оюутан төгсөгчид, спортын төлөө сэтгэл зүрхээ зориулан яваа өөрийгөө хөгжүүлье, сурч боловсръё гэсэн хэн бүхэнд би дэлхий дээрх хамгийн сайхан, боломжит, онцгой хөтөлбөрийн талаар сайхан мэдээ дуулгах гэж байна.
Сөүлийн Их Сургууль, KSPO- Korean Sport Promotion Foundation, Солонгосын Соёл, Спорт, Аялал Жуулчлалын Яам (MCST) хамтран Global Sport Management мэргэжлээр мэргэжилтэн бэлтгэх Магистрын зэрэг олгох 100 хувийн тэтгэлэгт хөтөлбөр.
Дэлхий дахины спортын хөгжлийг эрт үеэс одоог хүртэл 3 үе шат болгон авч үзэж байна:
1 үе - Бүх нийтийн эрүүл мэнд, хөдөлгөөн
2 үе - Хүний биеийн боломжит дээд гүйцэтгэл
3 үе - Спортын удирдлага, маркетинг
Сүүлийн үед спорт маш өндөр хурдтайгаар хөгжиж, бүх төрлийн спортод мэргэжлийн тамирчдын гаргаж буй амжилтууд өсч нэмэгдсээр хүний бие организмийн гарч болох хамгийн дээд гүйцэтгэлд хүрэх дөхөж байна. Үүнийг дагаад олимп, тив дэлхийн тэмцээн, техник технологи ч 1/1000 секунтын нарийвчлалтайгаар хүний амжилтыг хэмжих боломжтой болоод байна.
Тиймээс спортын хөгжлийн дараагийн шинэ үе шат нь Спорт маркетинг, Засаглал, зөв менежмент юм. Өндөр түвшинд хөгжсөн спортыг хөгжүүлэх, спортыг бараа бүтээгдэхүүн болгон борлуулах, нийтэд хүргэх нь спортын менежерүүдийн эрин үе юм.
Тэгвэл дэлхийн хэмжээний спортын менежрүүдийг бэлтгэх маш сайхан боломжыг энэхүү хөтөлбөр олгодог. 2013 оноос эхлэн 5 дахь үеийн менежерүүдээ төгсгөөд байгаа Dream Together Master хөтөлбөр жил бүрийн эхний улиралд шинэ элсэгчдийн өргөдөл материал хүлээн авдаг.
Миний бие 6 дахь үеийн оюутан болоод одоо суралцаж байгаа бөгөөд спортын мэргэжилтэн бэлтгэх дэлхий дээрх хамгийн сайн, бас хамгийн өргөн боломж олгодог мундаг хөтөлбөр гэж итгэлтэй хэлэх байна. Энэхүү хөтөлбөр надад спортын менежмент, маркетинг, санхүү, засаглал, сэтгэлзүй, философи, спортын шинжлэх ухааны бүх талын мэдлэг олгож байгаа.
Сөүлийн Их Сургууль нь Солонгос улсад 1-рт, дэлхийд 32-рт эрэмблэгддэг дэлхийн шилдэг сургуулийн нэг бөгөөд шилдэг профессорууд, оюутан сурагчидтай, Солонгос болон бусад орны залуусын суралцахыг хүсэн мөрөөддөг, шалгуур өндөртэй, нэр хүндтэй сургуульд тэтгэлэгтэй суралцах маш сайхан боломж юм.
Хөтөлбөрт хамрагдахыг хүссэн нэг нь:
- Спортын чиглэлийн баклаврын зэрэгтэй байх
- Англи хэлний IELTS, TOEFL хүчинтэй оноотой байх- Спортын байгууллагат ажилладаг байх
x
- Төгсөөд эх орныхоо спортын салбарт хувь нэмэр оруулан ажиллах зорилготой, ирээдүйн төлөвлөгөөтэй байх үндсэн шаардлагууд тавигддаг.
Шинэ элсэгчдийн материалыг 1 сараас 3 сарын 8 орчим хүртэл хүлээн авдаг ба материалын шалгалт, онлайн ярилцлага зэрэг хэд хэдэн шатны шалгуураар шалгаж авдаг.
Дэлгэрэнгүй мэдээлэл доорх хаягаар авах ба надаас холбогдож асууж бас болно.
http://dtm.snu.ac.kr/
No comments:
Post a Comment