Хүн төрлөхтний хувьсан ингэж явагдаж байна гэж...

Монголд Ширээний Теннисний Спорт үүсч хөгжсөн түүх

Хавтан дээр хуванцар цагаан бөмбөгөөр харилцаж тоглодог, үзэхэд өхөөрдөм хэрнээ тоглоход адармаатай, хүний хараа хурд, самбаа эвсэл, хүч ухаан уралдуулсан энэ спорт анх 50-иад оны эхнээс Гадаад Явдлын яам, Улсын хөгжимт драмын театр, Намын шинэ хүчний дээд сургууль зэрэг цөөн хэдэн газар үзэгдэх болсон тэр цагаас монголчууд “ Ширээний теннис” тоглох болжээ.

Гадаад ертөнцтэй хэлхээ холбоо төдийлөн хөгжөөгүй, зөвхөн цөөн тооны, албан ёсны төлөөлөгч солилцох төдий гадаад харилцаатай байсан тэр үед хөрш орнуудад албан хэргээр зорчсон дипломат, урлагийн төлөөлөгчдийн бүрэлдэхүүнд явсан зарим хүн ширээний теннис тоглож байхыг анх харж, сонирхож, бага боловч тоглон суралцаж эзэмшсэнээ “ Хээрийн галуу нисэн үл хүрэх газраас хүний хүү эрдмийг өвөрлөн ирнэ” хэмээн их зохиолч Д.Нацагдоржийн бичсэнчлэн чухам л өвөрлөн ирж энэхүү гайхамшигтай спортын төрлийг Монгол улсад дэлгэрүүлсэн нь тэр байлаа.

Үүсэл, хөгжил

Ширээний теннисийг Хятадаас гаралтай, Хятадууд ширээн дээрээ мантуу өнхрүүлж тоглосоор байгаад энэ спортыг бий болгосон гэсэн яриа байдаг. Гэвч үнэндээ энэ спорт Хятадаас бус Европ гаралтай бөгөөд Хятадууд үндэснийхээ спортыг сонгохдоо өөрсдөдөө хамгийн ойр, боломжын гэж үзсэний үндсэн дээр энэхүү спортыг сонгож өдгөө өөрсдийн мэт амжилт гаргаад байгаа билээ. АЗИ хүмүүсийн хувьд Eвропуудтай харьцуулахад богино зайд огцом хурдтай хөдөлгөөн хийх чадвар илүү байдаг нь энэхүү спортод амжилт гаргах гол шалтгаан. Тэгэхээр үүгээр би манай Монголд ч бас амжилт гаргах боломж, чадавхи бий гэдгийг хэлэх гээд байгаа юм.